График шийдлийн зах зээл дээр NVIDIA -корпорац тоймгүй олон буюу 128 ширхэг урсгал процессортой (шэйдер блок/конвейр) шинэ G80 бүлийн график процессор гаргаж буй онцгой үйл явдалтай холбогдуулан CUDA (Compute Unified Device Architecture, архитектура унифицированных расчётов) хэмээх технологи давхар боловсруулсан тухайгаа мэдэгдэв. Уг шинэ технологийг ATI Stream Computing технологийн NVIDIA өрсөлдөгч гэж хэлж болох юм. Өнөөгийн түвшинд GeForce 8800 видео процессорын тооцоолох хүчин чадавхи нь зөвхөн график ажиллагаа гүйцэтгэх тохиолдолд "томдоод" зогсохгүй, баргийн дундаж төв процессорын хувьд график дэд процессорынхоо "хөлд чирэгдэж" мэдэхээр байгаа аж. Ийм болохоор G80-ийн дээрх олон блок дамжлагыг график бус тооцоо хийхэд ашиглах аргыг NVIDIA сэджээ. Гэхдээ энэ нь сүүлийн үед их яригдах болсон "физик" тооцоололт хийх тухай огт биш юм. Тооцоололтыг параллель зэрэг гүйцэтгэх санаанд тулгуурлагдсан CUDA технологи нь зөвхөн шинэ үеийн GeForce 8800 болон ойрын ирээдүйд гарах ёстой G80-д суурилсан тусгай зориулалттай Quadro бүлийн загваруудад ашиглагдана. G80-ийн шэйдер дамжлага гэгддэг зуу гаруй "процессорын цөм" нь хөвөгч цэгтэй үйлдэл гүйцэтгэхдээ орчин цагийн төв процессороос үлэмж илүү гавшгай байгаа юм. ATI компани үүнтэй ижил төстэй технологийг сервер хүрээнд боловсруулснаа Stream Programming гэж нэрлэж байгаа. NVIDIA корпорац CUDA урсгал тооцоололт дэмжигч C хэлний компилятор, ерөнхий зориулалтай С сан (library) гаргасан нь хөндлөнгийн хөгжүүлэгчдэд тусгай тооцоо хийхэд зориулсан программын модуль үүсгэх боломж олгох аж. NVIDIA CUDA нь эн түрүүнээ статик анализ, криптограф, визуалжуулалт, симуляц зэрэг техник тооцоо хийхэд зориулагдана.
Эх сурвалж: www.origo.mn
Comments