1.Бэйрон Дэвис: Тэрбээр өөрийн дөрвөн жил тоглосон "Голден Стейт" багаа орхиж Холливудыг зорьсон. Холбон тоглогчийн гачигдалд ороод олон жилийн нүүр үзэж буй "Клипперс" түүнд татгалзах аргагүй цалин амласан билээ. Түүнд таван жилд 65 сая ногоон амласан юм. Үүнийг Б.Дэвис уриалгахан хүлээн авч гэрээнд гарын үсэг зурсан.2.Элтон Брэнд: Гэмтлийн улмаас өнгөрсөн улирлыг үндсэндээ өнжсөн Э.Брэндийн шийдвэр олныг гайшруулав. Б.Дэвис "Клипперс"-т очсоноор тэдний хослол "Өрнөд" конференцийн өрсөлдөөнийг улам ширүүн болгох естой байв. Гэвч "Клипперс"-ийн лидер од тоглогч цөөтэй "Филадельфи"-г зорилоо. Түүний шийдвэр хэр оновчтой байхыг ирэх улирал харуулах биз ээ.
З.Ричард Жефферсон: Р.Жефферсоныг "Милуоки"-д өгч И.Жяньльян, Боби Симпсон нарыг "Нью-Жерси"-гийнхэн авсан. Энэ солилцооны гол шалтгаан нь лидер тоглогчдын байрлалын өрсөлдөөнтэй холбоотой болов уу. Р.Жефферсоныг явуулснаар "Нетс"-ийн бүрэлдэхүүн залуужсан. Харин "Милуоки"-д Жефферсон шиг л тоглогч үгүйлэгдэж байв.
4.Рон Артест: Сахилга батын тал тааруухан Артестыг авахыг хүссэн баг төдийлөн байгаагүй. Түүнийг "Сакраменто" л аз туршин хоёр улирал тоглуулсан билээ. Тэрбээр "Кингз"-д амжилт ялалтыг олон авчраагүй ч өөрийн хүмүүжлийг бага зэрэг засаж хэрэг түвэгт орох нь багассан юм. Үүний үр дүнд түүнийг цөөнгүй баг сонирхох болсон. Улмаар хамгаалалтдаа мэргэшсэн Артестийг "Хьюстон" өөрийн болгож дөнгөв. Ингэснээр Шейн Беттьер, Рон Артест гэсэн хамгаалалтын мэргэжилтнүүд нэг багт тоглохоор боллоо.
5.Жеймс Пози: Орчин үеийн "Их гурвал"-ыг аварга болоход хамгийн ихээр тус хүргэсэн тоглогч бол Жеймс Пози. Тэрбээр Р.Артестийн адил хамгаалалтад мэргэшсэн нэгэн. Гэвч аваргууд түүнийг багтаа үлдээгээгүй нь сонирхол татаж буй. Өнгөрсөн улирлын нээлт "Нью-Орлеан"-чууд түүнтэй урьтаж гэрээ байгуулснаар ихээхэн зүйл хожих нь дамжиггүй. Түүний туршлага "Хорнетс"-ийн амжилтыг өөд нь татах биз ээ.
6.Луол Денг: "Чикаго"-гоос хамгийн эрэлт хэрэгцээтэй тоглогч нь Луол Денг байв. Түүний араас чамгүй олон баг хөөцөлдөж байсан ч тэрбээр багаа орхихыг хүссэнгүй. Түүнд "Буллз" зургаан жилд 71 сая долларын гэрээг санал болгосноор багтаа үлдээж дөнгөв. Мөн "Чикаго" драфтын №1 ээр холбон тоглогч Деррик Роүзийг авсан нь энэ зуны онцлох үйл явдлын нэг билээ.
7.Эмека Окафор: Л.Денгийн нэгэн адил "Бобкетс"-ийн удирдлагууд Э.Окафорыг багаасаа явуулахыг хүссэнгүй. Түүний төлөө "Шарлотт"-ын удирдлагууд зургаан жилд 72 сая ногоон өгөхөөр болсон. Хэдийгээр лидер тоглогчдынхоо нэгийг үлдээсэн хэдий ч "Шарлотг" дахин шинэ тоглогч авсангүй.
8.Гилберт Аренас: Багийнхаа удирдлагуудтай удтал хэлэлцсэний эцэст "Агент-О" баг таа үлдсэн. Тэрбээр цалингаа нэмүүлэхээр нэлээд хөөцөлдөж, олон цуурхлыг дэгдээн багаасаа 120 сая долларын гэрээ хийхийг завдсан ч бүтэлгүйтэв. Түүнд нийслэлийн баг 111 сая ногооныг таван жилд төлөхөөр болсон. Мөн түүний багийн анд Энтуан Жэмисон гэрээгээ таван жилээр сунгасан.
9.Кори Маггетти: Элтон Брэнд "Клипперс"-ийг орхисон тул К.Маггетти Б.Дэвисийн гол туслагчийн нэг байх байв. Гэвч тэрбээр найман жил хүчин зүтгэсэн багаа орхиж Толден-Стейт"-ийг зорьсон юм. Түүнд "дайчид" таван жилд 50 сая долларын цалин өгөхөөр шийдвэрлэв.
10.Жош Смит: NВА-гийн улирал дууссаны дараахнаас л "Филадельфи"-чууд блокшотын мастерыг урвуулахаар зүтгэсэн. Тэд Бренд, Ж.Смит гэсэн хоёр хүчний довтлогчтой болохыг хүссэн ч санаснаар нь болсонгүй. Ж.Смитэд мөн "Мемфис" 58 сая долларын гэрээг санал болгосон ч багтайгаа үлдэхийг илүүд үзлээ.
Comments